الدار عقبه كـن مايسكنـه حـد

قفرى بدونه والهبايـب تصافـر

مريت واللهفه ابد مـا لهـا حـد

واقفيت والذكرى طعون الخناجـر

الشوق سيفا والمسافات لـه حـد

والقلـب منـه ياوليفـي تناثـر

لاتحسب ان البعد خلانـي ابعـد

ولاتحسب اني صرت ع البعد قادر

ولاتحسب اني انساك ياناعم الخد

ياحب عذري ع النقى حب طاهر

انا احبك امـس واليـوم والغـد

وفكري معك في كل لحظه مسافر

مالوم نفسي والهوى فيك لا اشتد

ياللي العذوبه من شفاتك تقاطـر

ومهما ابعدتني سود الايام ما ارتد

باقي على يافاتني ماانـت خابـر

باقي على حبك ومـن زود لاازود

وما انا لعهدك والمواثيق غـادر

ووالله لاجي لك لو بي العمر امتد

واسري لعينك بين شبوه وصافر

والقاك يا شمسا وبـدرا وفرقـد

ياماس واغلى من نفيس الجواهر

ياللي الحياء يملى محياك واشهـد

في وقت شوفه من مثيلك تطايـر

ولابد من بعد العسر يسـر لابـد

ولابد بـأذن الله تزيـن المعابـر

وان كان بكتب كل شوقي وبسرد

ماجف شوقي لو تجـف المحابـر