يا سلامي على ساحات ثوريـه

يا سلامي على صرخات لبطالي

ترخص الروح من شان اليمانيه

اليمن غاليه وابن اليمـن غالـي

شعب كلَّه مسلَّح ثـار سلميـه

واصبح الشعب تضرَب فيه لمثالي

لا تقول اليمن مثل السعوديـه

يابو متعب فرق بالحال والمالـي

ثورة البن منصـوره وشرعيـه

لا تصدق مزاعم كـل دجالـي

ثورة الشعب لن تولد حدوديـه

ازرع الجُمل تلقى الجُمل طوالـي

بينهن فرق ماهن شي سوى سيه

لاتقارن رياض الحكم وآزالـي

لا تراجع حسابـات ارتجاليـه

لا تخايل لشخص الهالك البالـي

حكم صالح رحل ماله صلاحيه

يا يمن خبري من عـاد متعالـي

يالخليج اليمن قطعـه خليجيـه

قالهـا شعبنـا بالمنبـر العالـي

لو احرمونا من اشيانا الضروريه

سلمي نظالنا في كـل لحوالـي

عاملو الشعب بالنفس العدائيـه

عذبو الشعب ابناء المقعد الخالـي

نهم وارحب بطيـارات حربيـه

في تعز لا يـزال الـدم سيَّالـي

والذخاير بشتَّى انواعهـا الحيـه

وابين القصف فيه انواع واشكالي

يا بقايا عصابـة قتـل قمعيـه

نطعم المر من اجل اليمن حالـي