زامل بدع من الشاعر قائد الشريفي المصعبي

يا علي عطف الفرشان و اتوكـل

صاحبك زين يستنـاك فـي جـده

لو طلعت السماء لا بد من منـزل

يا عدو الوطن و الدين و الوحـده

أقسم الشعب والله ما عذر ترحـل

لو بقي معتصم ضعفين ذا المـده

السماء تكرهك و الأرض و المحفل

و البشر كلهم و الطفل في مهـده

زامل رد من الشاعر ابومنعم الشاجري

مرحبـا الاف يابـداع يتزمـل

مرحبا ماتنسنس ريحة البـرده

بايعطف علي ياذاك لا تزعـل

مثلما عطفو اهل الزيف والرده

كل راعي فرس من فوقه اترجل

مانفعهم حشود الكذب والعـده

شعبنا في ميادين الوفا سجـل

انتصار الاراده يدحـر الشـده

زامل رد من الشاعر عبدالله عزام الحارثي

مرحبا مرحبا مـا بارقـه يشعـل

مرحبا يالشريفي ما زجـم رعـده

مرحبا ابيات شاعر خطها البركل

جابهن مثل لول الفص في عِقـده

قال يشتي علي يرحل وهذا الحـل

مش هو الحل قع قل قاله العمـده

لو رحل من بداية لامر واتجمـل

لكن العرش حبه قد قطـب كبـده

الرحيل انتها مشروعـه اتكنسـل

آتي النصر صالح منتهي عهـده

كيف يرحل وجُرمه زاد واستفحل

وين يرحل قد العالم وقف ضـده

وين يرحل وأبناء شعبنـا تقتـل

من يُعاقب على ما ترتكب جُنـده

من يحاسَب متى ما المجرم اتنصَّل

لا بقي إلا الحرس والامن والنجده

اقسم الشعب لن يرضى ولن يقبل

لن يسـاوم ودم الابريـاء عنـده

لن نخون الشهيد الحر لن يهمـل

شعبنا حر دين الحر فـي وعـده

ازم العدل يتحقق ويتكبل

خلف قضبان وازلامه يجو بعده