جابوا لنا الجنان أشكال وألوان .. قالوا هوية وانفصال ، ما نشتيش في جنوبنا أهل الشمال . قلنا الليل يا أبطال . وبكروا من الصبح ضد الرئيس هادي بالقول والأفعال ، ومنعوه يدخل عدن ، وقالوا صاحب أبين ما له علينا حكم وقراراته يبللها ويشربها الصبح وبعد الزوال ، بلا شرعية بلا جيش وطني ، نحن الانتقالي ونخبتنا تهد جبال . ولكن مع المغرب يقدمون التقرير للكفيل بالتمام والكمال .. خاضعين لأحمد علي بالقيادة والتوجيه ، ولو فكر يزور عدن لفرشوا له ما يفوق الخيال .. ولا تهتموا ياشباب كله منشان الجنوب يرجع .. قلنا تمام وعال العال . وللتأكيد على تحقيق الاستقلال أخذوا مع الأغباش يشحنون أصحاب البسطات في الدينات .. برع برع يا دحباش . ولكنهم رحبوا بطارق الغازي وعملوا له استقبال حافل ، ودخل عدن بقافلة مرافقين جنوبيين وطائرة من الكفيل تصفي له المجال ، ومنحوا الحرس الجمهوري الأرض وأهم الأعمال ، ودفعوا بأبناء الجنوب جنودا تحت رايته وقيادته للقتال من أجل تحرير الشمال ، وقد كانوا يرفضون الدفع بهم مع الشرعية في جبهة بيحان الجنوبية ، والحجة أن فيها شماليين ، ولن يقاتلوا بجانب شمالي ولو كان الهدف تحرير تربة جنوبية .. قلنا عادي غلطة وباتصلح الأحوال . قاموا كرشوا الميسري الجنوبي وقفلوا عدن قدامه بالأقفال .. ولكنهم رحبوا بمعين الشمالي بكل إجلال .. وكله بامر الكفيل المختال .. قلنا عادي ياعيال اصبروا وباتشوفوا الخير ألوان وأشكال .. شوهوا البكري وحاربوه وخرج من عدن ودمعته سيال .. وهللوا لزيارة العذري يوم جاهم ، وخلوا لقفه شبرين وهو يتبختر في عدن بعزة ودلال .. ولا تهتموا يا أبطال كله تحت السيطرة .. الجنوب جاي جاي لا محال . ويستمر الموال .. يعلنوها بعنف ضد قرار تعيين بن دغر رئيسا للشورى .. وتكمم الأفواه عند تعيين البركاني شيخا لمجلس النواب . هم ضد تعيين حضرمي مديرا لأمن عدن .. ومع تعيين غيره ولو كان حوثي الهوى ، وحدوي الولاء . هكذا هم .. وذلحين كيف حد يسوي بهم .. البودي والهون جنوبي طاااط طااااط .. والسويس والجير شمالي .. تشوفهم زي منادي الفرزة .. باقي نفرين .. باقي نفر .. الهوية الانفصال .. الليل يا أبطال .. ولا تنسوش علم اليمن الجنوبي .. الأزرق أبو نجمة حمراء .. حق الاشتراكي .. شلوه وارفعوه .. لما نخترع علم جديد للجنوب العربي حقنا . حان الجد يا رجال .. لن نرضى بغير الهوية والاسنقلال .
اااااااه ياراسي .. دوخة وغاثي .. فين البندول يا أم العيال .
- كُرُمباسي : شقلبة .. بلهجة خليفة بني هلال .
ما هو الإعلان الدستوري الذي جرى إقراره في سوريا وماذا منح للشرع؟
طباعة الصفحة
كتابات
